SAMAIN

Samaín

Samaín é unha celebración de orixe celta que o cristianismo reconverteu no Día de Todos os Santos. Esta festa levaba unhas décadas esquecida, pero nos últimos anos estase volvendo a recuperar grazas ao traballo realizado nas escolas e en varios concellos de Galicia.
A noite do 31 de outubro comeza o Aninovo celta, remata o verán e entra o inverno. Nesta noite as ánimas dos mortos pasan a porta que separa o mundo dos vivos e dos mortos, e visitan as casas das suas familias para quentarse e tomar algo de alimento.

Concurso de bonecos terroríficos

Preparamos unha actividade na que o alumnado encheu o corredor con bonecos terroríficos, feitos na casa coa axuda das súas familias.

A participación foi moi numerosa e queremos felicitarvos pola vosa creatividade.

A continuación ensinamos algúns deses traballos e o desenvolvemento da actividade.

O alumnado foi mirar a exposición de bonecos para votar o que máis lle gustaba



E chegou o momento de decidir...

CELEBRAMOS O DíA DAS LETRAS GALEGAS!!

O pasado 13 de maio, xuntámonos todos no corredor principal para homenaxear a Lois Pereiro e celebrar o día das letras galegas.

Abrimos a homenaxe con Raquel de cuarto que nos tocou dúas cancións e prensentou ás nenas e nenos de primeiro.

Pouquiño a pouco, fomos dándolle forma ao noso mural lendo e colgando a información que cada curso traballou sobre Lois Pereiro.

Unha vez colgada toda a información no mural, Miguel e Christian de sexto recitáronnos dúas poesías de Lois Pereiro.

Xa para rematar a nosa conmemoración ás Letras Galegas, Rodrigo e Raquel amenizáronnos, entre outras, con tres cancións gaiteiras e moi galegas: a Rianxeira, a Sai da Carolina e Ondiñas Veñen. Qué ben o pasamos animando!

Coa emoción, as nenas e nenos de Tebra non paraban de pedirlle aos gaiteiros que tocaran máis e máis. Pasámolo moi ben pero acabamos afastándonos un pouco do tema e Rodrigo tocounos, marabillosamente eso sí, o "Waka Waka"!! sí sí, unha wakagaiteirada!!

Aquí tedes o vídeo con todo o que pasou.


Viva o galego e as súas escritoras e escritores!

SEMANA DO CINE EN GALEGO

A semana pasada, do 9 ao 12 de maio, tivemos todos os días sesión de cine en galego.

Despois do recreo @s profes fixéronnos flocos de millo para que todos @s cativ@s disfrutaran da peli
"O espíritu do bosque"
Foi un éxito total! a que sí? Mirade as fotos:

Neste mes celebramos as letras galegas e no cole xa nos estamos preparando para homenaxear ao autor ao que está adicado este ano: Lois Pereiro.

Aquí tedes un vídeo para que coñezades un pouco ao autor:

LETRAS GALEGAS 2011: LOIS PEREIRO

Neste mes celebramos as letras galegas e no cole xa nos estamos preparando para homenaxear ao autor ao que está adicado este ano: Lois Pereiro.

Aquí tedes un vídeo para que coñezades un pouco ao autor:

CONTO ACUMULATIVO 2010-1011

"O trasno do bosque de Tebra"

APADRIÑANDO PALABRAS...

Agora...botádelle unha ollada ao resultado do feito no taboleiro:

temos un dicionario propio!! O DICIONARO DE TEBRA, editado pola "Editorial Tebrais".

O TABOLEIRO DA LINGUA

FELIZ ANINOVO!!

Aquí estamos de volta, coas pilas cargadas despois dunhas largas e seguro que xeniais vacacións de Nadal.

Hai que empezar o ano con enerxía así que propomos unha nova actividade para estas primeiras semanas: O Taboleiro da Lingua.

Mandarémosvos unha circular explicandovos en qué consiste. Vela aquí vos vai un resumo:

1. Teredes que apadriñar unha palabra, sí sí, seredes os seus padriños e protectores neste cole. Estaredes ao coidado de ensinarllela aos vosos compañeiros para que non se perda. Porque deso se trata, de que busquedes unha palabra do noso marabilloso galego que se utilice pouco, ou só se utilice na vosa zona.
2. Deberedes escribila nun papeliño, escribir tamén a definición para que todos saiban qué significa e, se queredes, facer un debuxo, con moi boa letra!
3.Traerédela ao cole para que @s profes a colguemos no taboleiro que poremos na entrada do cole.

A protexer palabras!!

Viva o Nadal e as vacacións!

Hoxe é o último día de cole antes das vacacións. Estamos nervios@s preparando o festival pero seguro que sae xenial!

Dende o EDLG desexámosvos unhas MOI MOI FELICES VACACIÓNS e que o Apalpador e os Reis vos traian mooitas cousiñas.

O NOSO LIBRO DA CASTAÑA

Mirade que preciosidade!

Entre todos, creamos un libro onde recollimos refráns, adiviñas e receitas para facerlle unha pequena homenaxe a ese froito tan saboroso que nos chega no outono:

A CASTAÑA!

Se o queredes ver, estes días está pasando por todas as aulas na hora de lectura. Despois quedará na biblioteca por se queredes velo con máis calma.

CHEGARON AS MALETAS!!!

O pasado 25 de outubro empezaron o seu viaxe polas casas d@s nos@s alumn@s as maletas viaxeiras. Van cargadas con lecturas para que disfrute toda a familia e tamén levan pelis!

Dende o equipo de biblioteca e do EDLG desexámosvos unhas felices lecturas en familia.

CHEGOU O MAGOSTO!!

Despois de comezar a mañá con choiva e non saber moi ben se íamos poder sair a celebrar o Magosto ou non, S. Martiño axudounos un pouquiño facendo que saira un pouco o solciño.

Ás 11 estaban as castañas preparadas por unhas expertas cociñeiras que fixeron un bo lume e asaron unhas saborosísimas castañas.

Unha vez enchidos os bandullos, @s nen@s de Infantil e 1º xogamos ao pano en roda, @s de 2º e3º xogamos ao pano en grupos, e os de 4º, 5º e 6º ao brilé. Pasámolo moi ben, como podedes ver nas fotos, pero ás 12:30 parece que S.Martiño tiña outros deberes e levou o sol para deixarnos outra vez choiva. De todas formas, deunos tempo a comer ben e pasalo xenial!

Grazas S. Martiño!!