O Debanamiolos

DÍA DAS BIBLIOTECAS ESCOLARES 2024

O pasado 24 de outubro celebramos a reapertura da BiblioTebra cunha invitada excepcional, Susa Herrera. Moitas grazas por vir a cantar con nós!

Tamén se entregaron as mochilas viaxeiras a tódolos cursos. Comeza a viaxe!

Preme AQUÍ para ver a celebración no noso cole.

Aproveitamos para propoñerlle a todo o alumnado do cole un concurso de Samaín: elaborar personaxes terroríficos ou misteriosos da cultura popular galega empregando maioritariamente materiais de refugallo.

Participación voluntaria e individual (a excepción de irmáns).
Realizarase en casa coa colaboración da familia.
Data límite de entrega o venres 25 de outubro.
Acompañarase dunha tarxeta que inclúa: nome completo, curso e nome do personaxe, escrito en galego.
Valorarase a orixinalidade e a creatividade.
Os premios daranse o 30 de outubro e publicaranse no blog.

Tamén queremos recordarlles que o mércores, día 30, o alumnado de primaria que o desexe poderá vir disfrazado. Infantil fai o disfrace no centro.

Moitas grazas pola súa colaboración e mans á obra!

Un saúdo

CHEGOU O OUTONO!

Adiviñas de outono

XORNADA DE XOGOS POPULARES

Para despedir este curso, o xoves 20 todo o alumnado e profesorado do centro desfrutamos dunha xornada de xogos populares no centro: comba, pita cega, dianas... Pasámolo en grande! Tamén o EDLG repartiu botellas reutilizables de vidro como agasallo pola vosa participación ó longo de todo o curso. BO VERÁN!!!

Preme AQUÍ para ver as fotos.

CONCURSO LETRAS GALEGAS 2024

Moitas grazas pola vosa participación! Que gran variedade de instrumentos!

E os gañadores foron...

Lara (EI) e a súa irmá Vega (4º EP) coa batería.

Elena (1º EP) coa pandeireta.

Sergio (2º EP) coa arpa.

Se queres ver máis fotos da nosa celebración preme AQUÍ.

LETRAS GALEGAS 2024

Este ano a autora homenaxeada das Letras Galegas é Luísa Villalta. Apetéceche escoitar unha canción composta con versos dos seus poemas?

Se queres coñecela un pouquiño mellor, prepárate para xogar!

Podes atopar máis xogos, vídeos e información sobre Luísa nas seguintes páxinas:

CONTACONTOS BILINGÜE

A pasada semana todo o alumnado do centro desfrutou na biblioteca dun contacontos teatralizado bilingüe galego-inglés Eva in Antarctica a cargo da compañía Trémola teatro, enmarcado dentro do programa plurilingüe do centro.

Para ver as fotos preme AQUÍ.

INTERCAMBIO LINGÜÍSTICO

Hoxe o noso alumnado de 5º e 6º de Educación Primaria recibiu a resposta ás

cartas que escribiron ó alumnado de 6º de Educación Primaria do CEP Pedro Caselles.

Que emoción!

DÍA DE ROSALÍA 2024

Para celebrar o Día de Rosalía no noso cole, este ano desfrutamos dun contacontos teatralizado grazas a Trémola Teatro. Tamén realizamos outras actividades plásticas como marcapáxinas, murais, libriños...