Samaín 2026

 

XOGOS POPULARES 2026

 Dende o Equipo de Dinamización Lingüística organizamos unhas xornadas baseadas na tradición popular. Contamos coa axuda do alumnado de 6.º, que axudou a crear os xogos e a ensinalos ao resto do alumnado.

Comezamos a xornada cunha merenda e rematámola coa entrega duns estoxos, agasallo do EDLG, para todo o alumnado.

LETRAS GALEGAS 2026

 Conmemoramos o Día das Letras Galegas 2026, unha celebración moi especial adicada este ano a Begoña Caamaño, destacada escritora e xornalista galega que deixou unha importante pegada na literatura e na defensa da lingua e da cultura de Galicia.

Durante os días previos á celebración, traballamos nas aulas a súa figura e a súa obra a través de diferentes actividades que nos permitiron coñecer mellor a súa traxectoria.

Entre as actividades realizadas destacou "A lupa máxica" do Seminario Galán, unha proposta dinámica coa que o alumnado puido descubrir aspectos relevantes da vida e da obra de Begoña Caamaño de forma participativa e divertida.

Tamén gozamos da actuación da Compañía de Teatro Trémola, que nos ofreceu un espectáculo cheo de creatividade e emoción, achegándonos á cultura galega a través das artes escénicas.

Para rematar a xornada, organizouse un emocionante xogo de pistas por todo o patio con grupos de diferentes cursos, no que o alumnado tivo que resolver diferentes probas e retos relacionados coa autora homenaxeada e coa lingua galega. Esta actividade fomentou o traballo en equipo, a observación e a aprendizaxe lúdica. 

E para finalizar unhas pegatinas de agasallo! Foi unha xornada moi enriquecedora na que aprendemos, compartimos experiencias e celebramos con orgullo a nosa lingua e a nosa cultura.

Os maios: a primavera florece no noso cole

 Coa chegada do mes de maio, Galicia énchese de cor, música e tradición grazas a unha das festas máis fermosas e antigas da nosa cultura: Os Maios. Esta celebración popular dá a benvida á primavera e rende homenaxe á natureza, ás flores e á vida que esperta tras o inverno.

No noso colexio tamén quixemos celebrar esta tradición tan especial con diferentes actividades.

Na aula de infantil fixeron un maio e logo bailaron para despedir o inverno e dar benvida á primavera. Prema para ver o vídeo do proceso. O MAIO EN INFANTIL.

Os nenos e nenas de 1º e 2º de primaria elaboraron os seus minimaios coas flores e prantas que apañaron nas súas casas. Gracias familias polas vosas aportacións!

Prema para ver o vídeo do proceso. MAIOS 2026


Dende O Equipo de Dinamización da Lingua galega tamén quixemos dar a coñecer unha tradición moi nosa, moi do Baixo Miño, a colocación do Maio o 30 de abril. Coñecimos a orixe desta tradición e puxemos o noso maio, nas portas das aulas para espantar o meigallo!

Gracias a orgullogalego.gal por explicarnos esta tradición. Se queres saber máis, prema AQUÍ.

Semana da prensa

 O alumnado de 1º e 2º de primaria traballou a reo para publicar a edición deste curso do seu xornal, A voz de Tebra. Ademais, fixeron un programa de radio no que tamén podedes escoitar as novas escollidas no xornal. Foron días de moito esforzo, traballo en equipo e tamén bos ratos. O resultado non nos pode gustar máis. Esperamos que vos guste tanto como a nós!

PREMA AQUÍ PARA VER O XORNAL

Día Mundial da poesía

O 21 de marzo comezou a primavera e tamén foi o día Mundial da Poesía. Na aula de infantil coñeceron un poema da nosa Rosalía e encheron un floreiro con plantas e flores do patio.

Prema no vídeo para ver máis!

CELEBRACIÓN DÍA DE ROSALÍA

 

O 23 de febreiro reunímonos para celebrar o día de Rosalía de Castro, unha das escritoras galegas máis coñecidas e símbolo de amor por Galicia.

Inauguramos con emoción o Recuncho de Rosalía. Plantamos roseiras na súa honra: raíces fondas como o seu compromiso co pobo, espiñas que lembran as dificultades que soubo transformar en poesía, e flores que, como os seus versos, seguirán a agromar xeración tras xeración.

Que este recuncho sexa lugar de lembranza e inspiración, onde a palabra siga viva e onde cada rosa lemrbe que a lingua e a cultura son sementes que, se as coidamos, florecen para sempre.

Que o Recuncho de Rosalía floreza sempre, como florece a súa obra nos nosos corazóns.

Prema na seguinte imaxe para ver o vídeo coas fotos. 

ROSALÍA DE CASTRO: RECURSOS

 

FUNDACIÓN ROSALÍA DE CASTRO

Páxina web con toda a información sobre Rosalía de Castro, biografía, obras, imaxes... 

CASA DE ROSALÍA

Recursos educativos para diferentes niveis educativos

ROSCO SOBRE ROSALÍA

UNIDADE DIDÁCTICA 

DÍA DE ROSALÍA 2026

Material didáctico elaborado por docentes de varios centros

MUSICANDO A ROSALÍA

Do Ceip Juan Fernández Latorre (A Coruña)

MINILIBRO SOBRE A VIDA DE ROSALÍA 

"amestracris"

CELEBRACIÓN DO ENTROIDO

O Entroido no noso cole foi unha festa chea de alegría, creatividade e tradición!

Comezamos a semana seguindo as ordes do Meco. O luns, martes e mércores tivemos que vir ao cole cumprindo as súas divertidas consignas, que nos fixeron rir moito e encher os corredores de cores e diversión. Cada día era unha sorpresa!

O xoves chegou un dos momentos máis esperados: viñemos disfrazados do que quixemos. Había personaxes de películas, superheroes, animais… A imaxinación non tivo límites e o cole converteuse nun lugar máxico e cheo de fantasía.

O venres foi o gran día da celebración. Primeiro gozamos de bailes moi animados e, despois, tivo lugar o desfile cos disfraces elaborados no cole seguindo a temática da arte. Vimos auténticas obras maestras inspiradas en grandes artistas como Pablo Picasso, Frida Kahlo, Miró, Maruja Mallo e Keith Haring. Os nenos e nenas luciron os seus traballos con moito orgullo, demostrando todo o esforzo e creatividade que puxeron nas súas creacións.

Despois do desfile, chegou a deliciosa merendola con doces tradicionais do Entroido: filloas, orellas e rosquillas que estaban boísimas! Gracias polas aportacións, familias! Foi un momento perfecto para compartir e repoñer forzas.

Para rematar esta semana tan especial, o tempo acompañounos e puidemos realizar o xuizo do Meco e a súa queima, despedindo así o Entroido ata o vindeiro ano entre aplausos e moita emoción.

Sen dúbida, foi un Entroido inesquecible no noso cole!

Podedes ver fotos e vídeos do ben que o pasamos pemando na seguinte imaxe.

ENTROIDO MECO 2026

 Xa chega o Entroido... e con el, as mandas do Meco!

O entroido está a picas de comezar e, como manda a tradición, chega cargado de troula, imaxinación e moitas ganas de pasalo ben. 

Un dos momentos máis agardados é, sen dúbida, a chegada do Meco, personaxe burlón que toma o mando durante os días previos ao Entroido. Como sempre, o Meco irá deixando as súas mandas. Cada día tocará sorprender cun complemento diferente ou vestimenta especial. O importante non é facelo perfecto, senón participar e rir. 

Animámosvos a estar atentos e atentas ás mandas que o Meco irá anunciando cada día na entrada do cole. Dende a casa poderedes velas aquí no blog de debanamiolos. 

Preparade os disfraces, afiade a retranca....
Que viva o Entroido e que mande o Meco!

Para o luns 9...

Para o martes 10...

Para o mércores 11...

Para o xoves 12...

RECURSOS NADAL

 No pasado mes de decembro celebramos o Nadal. Na seguinte ligazón tedes algúns dos recursos que empregamos. 

MAGOSTO

Tras días de choiva ao final puidemos celebrar un gran Magosto! 

Xa tiñamos ganas de zampar castañas así que as comemos con moito gusto, o bo é que despois fixemos diferentes xogos populares para facer algo de deporte :)

Se queredes ver a nosa celebración e o ben que o pasamos preme AQUÍ.

SEMANA DO PEÓN

 En novembro tocounos xogar cos nosos queridos peóns, divertímonos moito e aprendemos un montón de trucos novos, ata os mestres e as mestras se animaron!

Esperamos que vos guste este resumos da semana. Se queredes ver como nos divertimos entra na seguinte ligazón.

SEMANA DO PEÓN